პაბლო პიკასოს ნამუშევარი «Jeune Fille Endormie» ("მძინარე ახალგაზრდა ქალი") სიდნეის უნივერიტეტს ერთ-ერთმა ამერიკელმა გადასცა, რომელმაც ვინაობის გამჟღავნება არ ისურვა,_ამის შესახებ The Independent-ი იტყობინება.
ანონიმურმა პირმა მხოლოდ ერთი პირობა წამოაყენა. მთელი თანხა, რაც ივნისში ამ ნამუშევრის გაყიდვიდან შევა, სამეცნიერო კვლევებს მოხმარდეს. საუბარია 10-იდან 12 მილიონ ფუნტ სტერლინგზე.
ნამუშევარი პიკასომ 1935 წელს შექმნა. მასზე მხატვრის საყვარელი მარი-ტერეზა ვალტერია გამოსახული.
