ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო "ურჩი" უწყებების სიაში ლიდერია. ამის შესახებ პარლამენტში სახალხო დამცველმა გიორგი ტუღუშმა "ქრისტიან-დემოკრატებთან" შეხვედრის დროს განაცხადა.
ტუღუშის ინფორმაციით, სამინისტროდან სახალხო დამცველის აპარატი მუდმივად არაადეკვატურ პასუხებს ღებულობს, ხოლო 60-ზე მეტი წერილზე პასუხი საერთოდ არ გაუციათ.
"პირადად ვესაუბრე მინისტრ კობა სუბელიანს, რომელმაც მიზეზად ადმინისტრაციული გაუგებრობა დაასახელა და მდგომარეობის გამოსწორებას შემპირდა, თუმცა უშედეგოდ", - აღნიშნა ტუღუშმა.
მისი თქმით, სუბელიანის უწყება სახალხო დამცველის რეკომენდაციებზე არც კი რეაგირებს.
