სახალხო დამცველი გონიოში საკუთრების უფლების დარღვევის ფაქტების შესწავლას გეგმავს. გიორგი ტუღუშს აღნიშნული ინიციატივით "ქრისტიან-დემოკრატებთან" შეხვედრის დროს ოპოზიციონერმა დეპუტატმა დიმიტრი ლორთქიფანიძემ მიმართა.
დეპუტატის ინფორმაციით, ხელისუფლებამ "რაც შენია შენიას" ფარგლებში 2008 წელს გონიოს მცხოვრებლებს საკუთრება დაუკანონა, თუმცა 2010 წელს ისევ ჩამოართვა.
"იგივე სიტუაციაა წყნეთში და ასევე პრობლემებია მესტიაში და საირმეში", - აღნიშნა ლორთქიფანიძემ.
სახალხო დამცველი ლორთქიფანიძეს დაჰპირდა, რომ ფაქტებს აუცილებლად შეისწავლის.
რაც შეეხება გონიოს, ტუღუშმა თქმით, საკუთრების უფლების ხელყოფის ფაქტები ან მიმდინარე წლის ანგარიშში აისახება, რომელიც პარლამენტში უკვე მომავალ წელს შევა, ან მასზე სპეციალური ანგარიში მომზადდება.
