დედოფლისწყაროს პოლიციის თანამშრომლებმა კულტურის სახლიდან ფერადი ლითონების ქურდობის ფაქტზე 5 არასრულწლოვანი დააკავეს. როგორც კახეთის საინფორმაციო ცენტრს რაიონულ პროკურატურაში განუცხადეს, დაკავებულებს ბრალი სსკ-ის 177-ე მუხლის მე-3 ნაწილით ედებათ, რაც წინასწარი შეთანხმებით ჯგუფის მიერ არერთგზის ქურდობას ითვალისწინებს.
გამოძიების ინფორმაციით, არასრულწლოვნების მიერ ეს კულტურის სახლიდან ფერადი ლითონების ქურდობის მესამე შემთხვევაა.
დაკავებულებისთვის აღკვეთის ღონისძიების შეფარდების საკითხზე სასამართლო ხვალ იმსჯელებს. ბრალის დამტკიცების შემთხვევაში არასრულწლოვანებს ოთხიდან შვიდ წლამდე პატიმრობა ემუქრებათ.
