სეპარატისტულ რუსეთის საგარეო საქმეთა მინისტრის სერგეი ლავროვის ვიზიტის ფარგლებში, სოხუმში გაიმართა წიგნის "რუსები აფხაზეთში" პრეზენტაცია. წიგნის გამოსაცემად საჭირო თანხა, ნახევარი მილიონი რუბლი, რუსეთის საგარეო საქმეთა სამინისტრომ გაიღო. წიგნის მთავარი რედაქტორია რუსეთის ე.წ. ელჩი აფხაზეთში სემიონ გრიგორიევი.
წიგნში მნიშვნელოვანი ადგილი უჭირავს ისტორიკოს იური ვორონოვის ნაშრომებს, რომლებიც ძირითადად ანტიქართული განწყობილებით გამოირჩევა.
გამოცემა "რუსები აფხაზეთში" - რუსეთის საგარეო საქმეთა სამინისტროს პროექტია, რომელიც მთელ ყოფილ საბჭოთა კავშირს და არა მხოლოდ მას მოიცავს. აფხაზური მხარის ინფორმაციით, მსგავსი წიგნი ახლახან თურქეთში გამოიცა.
