სამართალდამცველებმა სპირტის სამი ქარხნის ხელმძღვანელები და თანამშრომლები დააკავეს. აყვანილები არიან კომპანიების "აგრო გრუპის, "კასპისა" და "გურჯაანის" ხელმძღვანელები და თანამშრომლები. სულ 19 ადამიანი, რომელთაც აგროკულტურის განვითარებისთვის "იაფი კრედიტის" პროგრამის ფარგლებში გამოყოფილი თანხმების საკუთარი ბიზნესინტერესებისთვის გამოყენება ბრალდებათ.
სამართალდამცველებმა უკვე გაშიფრეს ის დანაშაულებრივი სქემა, რომლის გამოც საქართველოში აგროკულტურის განვითარების პროექტი და "იაფი სესხის" პროგრამა ჩავარდა.
საქმე ეხება 2006 წელს, სახელმწიფოს მიერ აღნიშნული პროგრამის ფარგლებში გამოყოფილი 6,5 მილიონი ლარის არამიზნობრივად გამოყენებას მაშინ როცა ის სათესლე მეურნეობის განვითარებაზე უნდა დახარჯულიყო.
შინაგან საქმეთა სამინისტრო მასშტაბური დაკავების შესახებ ოფიციალურ ინფორმაციას დღის მეორე ნახევარში გაავრცელებს. ამავე დროისთვის გამოქვეყნდება დაკავებულთა აღიარებითი ჩვენებაც.
