საფრანგეთის ულტრამემარჯვენე პარტია „ეროვნული გაერთიანების“ ლიდერმა მარინ ლე პენმა განაცხადა, რომ საფრანგეთს, ქვეყანაში ფინანსური მდგომარეობის გაუარესების გამო, უკრაინისთვის ამჟამინდელი მოცულობის დახმარების გაწევა აღარ შეუძლია.
„ეს არ არის უკრაინის მიმართ მტრული დამოკიდებულების გამოხატულება“, - განაცხადა ლე პენმა.
მისი თქმით, საფრანგეთს შეუძლია, გააგრძელოს უკრაინელი სამხედროების წვრთნა და უკრაინის თავდაცვისთვის საჭირო აღჭურვილობის მიწოდება, თუმცა ფინანსური დახმარების თვალსაზრისით ამის გაგრძელება უკვე შეუძლებელია.
„ჩვენ შეგვიძლია გავაგრძელოთ მათი ჯარისკაცებისა და შეიარაღებული ძალების წვრთნა, შეგვიძლია გავაგრძელოთ მათთვის აღჭურვილობის მიწოდება, რათა მათ თავის დაცვა შეძლონ. მაგრამ ფინანსური თვალსაზრისით - აღარ შეგვიძლია. უბრალოდ, აღარ შეგვიძლია“, - აღნიშნა მან.
ლე პენმა ასევე განაცხადა, რომ უკრაინაში რუსეთის ომის დასასრულებლად „მშვიდობის საკითხზე დიდი კონფერენციის“ ჩატარებას და დიპლომატიური გზით მოგვარების მიღწევას უჭერს მხარს.
მარინ ლე პენმა მანამდეც დაადასტურა, რომ თუ საპრეზიდენტო არჩევნებში გაიმარჯვებს, უკრაინას დახმარებას შეუწყვეტს
ლე პენის პოზიციას რუსეთის მიმართ მისი ოპონენტები ხშირად აკრიტიკებენ. პოლიტიკოსი 2017 წლის საპრეზიდენტო კამპანიის დროს კრემლში იმყოფებოდა, რის გამოც მას რუსეთთან მიმართებით ზედმეტად დამთმობ პოზიციაში ადანაშაულებდნენ.
საფრანგეთში საპრეზიდენტო არჩევნები 2027 წლის აპრილის ბოლოს - მაისის დასაწყისში გაიმართება. გამოკითხვებში მარინ ლე პენი ლიდერობს. მათი მონაცემებით, სხვადასხვა სცენარის მიხედვით პირველ ტურში მას ამომრჩეველთა 34-დან 35,5%-მდე დაუჭერდა მხარს, .
