ნეპალში დამანგრეველი წყალდიდობის შედეგად დაღუპულთა რიცხვმა 626-ს მიაღწია, ხოლო 2400 ადამიანი კვლავ დაკარგულად ითვლება.
სამაშველო ოპერაციები კვლავ გრძელდება.
წყალდიდობამ გაანადგურა ან დააზიანა სახლები, გზები, ხიდები და ჰიდროელექტროსადგურები.
სამაშველო ოპერაციას ართულებს მეწყერების შედეგად ჩახერგილი გზები და მდინარეების ახალი ადიდების საფრთხე.
განსაკუთრებით საშიშია ნეპალ-ტიბეტის საზღვარზე წარმოქმნილი ხელოვნური ტბა, რომლის გადავსებამ უკვე შეაფერხა სამაშველო სამუშაოები და ახალი წყალდიდობის რისკი შექმნა.
წითელი ჯვრის შეფასებით, სტიქიამ სულ მცირე 93 000 ადამიანის მდგომარეობა გაართულა.
ნეპალის ხელისუფლებამ სამაშველო და სამძებრო სამუშაოებში 15 000-ზე მეტი ადამიანი ჩართო.
