დაცინვა არავის მოსწონს, არავის უნდა ისტორიაში კომიკურ პერსონაჟად შესვლა, ეს არის „ქოცების“ წინააღმდეგ ყველაზე ძლიერი იარაღი, რომელიც უნდა გამოვიყენოთ, - ამის შესახებ “ტვ პირევლის“ ეთერში „გირჩის“ ერთ-ერთმა ლიდერმა სანდრო რაქვიაშვილმა განაცხადა.
„ქართული ოცნების“ მხარეს არის ფული, ძალა, ადმინისტრაციული რესურსი, მაგრამ აქეთ არის უძლიერესი იარაღი - დაცინვა, მაგალითად, ბიძინა ივანიშვილზე პლაკატი რომ გააკეთეს, ხომ უმსგავსი პლაკატია, მაგრამ ეს პლაკატი მთელმა ქვეყანამ დაინახა, იმიტომ რომ დაიჭირეს ის კაცი, რომ არ დაეჭირათ ამას ნახავდა 50 ადამიანი. ახლა კი „ფეისბუქი“ სავსეა და ამას ვეღარ ამოშლი. ეს არის დაცინვის ინსრუმენტი, ეს არ უნდა ეხებოდეს დაბალი რანგის „ქართულ ოცნებას“. ეს ივანიშვილის, კობახიძის პასუხიმგებლობაა. ზოგადად ვინც გადაწყვეტილებების მიმღებია, ეს ხალხი უნდა იყოს დაცინვის ობიექტი.
ის, გიორგი ქართველიშვილი [MMA-ის მებრძოლი] რომ შეწუხდა ბულინგის მსხვერპლი გავხდიო, აბა რა ეგონა, ბინძურ საქმეს რომ აკეთებ ხელისუფლებისთვის და როგორც მარიონეტს ისე რომ გიყენებენ, რადგან ეჭვი აქვთ, რომ საერთოდ ვერ მიხვდები, რა ს აკეთებ. გამცირებს შენივე ხელისუფლება და გიკვირს რომ სხვები დაგცინიან. იმიტომაც ეტკინა. ვიღაცას ჩხუბი, გინება რომ დაეწყო, არ ეწყინებოდათ, იმიტომ რომ თავიანთი აზრით, ბრძოლაში არიან და ცუდ საქმეს ებრძვიან და რომ დასცინი ეს ძალიან მტკივნეულია.
დაცინვა არავის მოსწონს, არავის უნდა ისტორიაში კომიკურ პერსონაჟად შესვლა, ეს არის „ქოცების“ წინააღმდეგ ყველაზე ძლიერი იარაღი, რომელიც უნდა გამოვიყენოთ. შესაძლებლობა მიეცეთ ნიჭიერ ხალხს - პოეტებს, მწერლებს, მომღერლებს.
მაღალი რანგის პირები უნდა გახდნენ დაცინვის ობიექტები. ჩხუბი, გინება და ლანძღვა არ არის შედეგიანი, რადგან თვლიან რომ ასეთ დროს ბრძოლაში არიან. დაცინვა არის სასტიკი იარაღი, რადგან ძალიან მტკივნეულია“, - განაცხადა რაქვიაშვილმა.
შეგახსენებთ, MMA-ის მებრძოლმა, გიორგი ქართველიშვილმა, თანამოაზრეებთან ერთად, „ქართული ღირებულებების, ფასეულობების და ტრადიციების დაცვის მიზნით“, ახალი მოძრაობა დააფუძნა.
ქართველიშვილის თქმით, მოძრაობა ძალიან აქტიური, სოლიდური და მაქსიმალურად კონსტრუქციული იქნება, მაგრამ თუ ქართული კულტურისა და ეროვნული იდენტობის დაცვისთვის იქნება აუცილებელი, არანაირ საფრთხეს არ მოერიდებიან, მათ შორის, „მზად არიან თითოეულ ქმედებაზე აგონ პასუხი და საჭიროების შემთხვევაში ციხეშიც წავიდნენ“.
დღეს, ქართველიშვილმა განაცხადა, რომ მას აბულინგებენ.
