რუსეთის საგარეო საქმეთა მინისტრმა სერგეი ლავროვი განაცხადა, რომ ვოლოდიმირ ზელენსკი „ფიურერის“ როლის შესასრულებლად დანიშნეს და დასძინა, რომ ეს იმიჯი „მისთვის ჩამთრევი აღმოჩნდა“.
რუსეთის საგარეო საქმეთა მინისტრის, სერგეი ლავროვის განცხადებით, ვოლოდიმირ ზელენსკიმ სრულად მოირგო ის პოლიტიკური როლი, რომელიც, მისი შეფასებით, დასავლეთმა მას დააკისრა. ლავროვის თქმით, უკრაინის პრეზიდენტი რუსეთის წინააღმდეგ მიმდინარე დაპირისპირების მთავარ ფიგურად იქცა.
„ის ფიურერია, რომელიც ამ როლზე მოყვარულთა ჯგუფიდან დანიშნეს, მაგრამ, როგორც ხედავთ, ეს იმიჯი მისთვის ჩამთრევი აღმოჩნდა“, - განაცხადა ლავროვმა.
მისივე განცხადებით, ევროპა კვლავ წარმოადგენს საერთაშორისო უსაფრთხოებისთვის ერთ-ერთ მთავარ გამოწვევას. ლავროვმა ბრიუსელი, პარიზი, ბერლინი და ლონდონი დაადანაშაულა ანტირუსული პოლიტიკის გატარებაში და აღნიშნა, რომ დასავლურმა სახელმწიფოებმა ამ პროცესში წამყვანი როლი ზელენსკის მიანიჭეს.
„ევროპა საერთაშორისო მშვიდობისა და უსაფრთხოებისთვის კვლავ მთავარი საფრთხეა. ბრიუსელი, პარიზთან, ბერლინთან და ლონდონთან ერთად, ისევე როგორც ჰიტლერის გერმანია მეორე მსოფლიო ომის წინ, კონტინენტს ნეონაციზმისა და რუსოფობიის დროშების ქვეშ აერთიანებს. ამჯერად ეს დროშები ზელენსკის გადასცეს“, - აღნიშნა რუსეთის საგარეო საქმეთა მინისტრმა.
ლავროვის განცხადებით, ევროპა რუსეთის წინააღმდეგ ომისთვის ემზადება.
„ვადასაც კი ასახელებენ - არაუგვიანეს 2030 წელს“, - განაცხადა ლავროვმა.
