ჩვენ ირანის ტერორისტული ღერძი გავანადგურეთ, - ამის შესახებ ისრაელის პრემიერ-მინისტრი ბენიამინ ნეთანიაჰუმ განაცხადა.
მისი თქმით, ისრაელმა ირანს ჩვენ ხელი შეუშალა ქვეყნის განადგურების გეგმის განხორციელებაში.
„ჩვენ ხელი შევუშალეთ ირანს ჩვენი განადგურების გეგმის განხორციელებაში. დღეს მათ ბირთვული იარაღი, ატომური ბომბი ექნებოდათ. ჩვენ ეს თავიდან ავიცილეთ. ჩვენ ეგზისტენციალური საფრთხე გავანეიტრალეთ. და რომ არ გვემოქმედა, ირანს ატომური ბომბები ექნებოდა და ისინი მათ გამოიყენებდნენ. სწორედ ეს ავიცილეთ თავიდან.
ჩვენ ირანის ტერორისტული ღერძი გავანადგურეთ. ჩვენ გავანადგურეთ 150 000 რაკეტის 90 პროცენტზე მეტი, რომლებიც „ჰეზბოლამ“ ჩვენს წინააღმდეგ გამოიყენა. ჩვენ შევქმენით უსაფრთხოების ზონა ღაზაში, შევქმენით უსაფრთხოების ზონა სირიაში, შევქმენით უსაფრთხოების ზონა ლიბანში და ჩვენ მას შევინარჩუნებთ, ვიდრე საჭირო იქნება ჩვენი ხალხის დასაცავად“, - განაცხადა ნეთანიაჰუმ იერუსალიმში, Jewish News Syndicate 2026-ის საერთაშორისო პოლიტიკის სამიტზე სიტყვით გამოსვლისას.
