დიდი იმედი მქონდა, რომ დღევანდელ დღეს გორში მომხდარი ფაქტის დაგმობით დაიწყებდით, როცა სისტემა გახდა ანგარიშსწორების მექანიზმი ერთი კონკრეტული, კანონმორჩილი ადამიანის დასასჯელად, - ასე მიმართა პარლამენტის თავმჯდომარეს შალვა პაპუაშვილს ფრაქცია „საქართველოსთვის“ დეპუტატმა სოფიო ხორგუანმა.
„მთელი სისტემა ერთი უბრალო კანონმორჩილი მოქალაქის დასასჯელად დაირაზმა. ის დაზარალებული ნებისმიერი თქვენგანის ახლობელი, მეგობარი, ნათესავი და კლასელი შეიძლება ყოფილიყო.
დიდი იმედი მქონდა, რომ დღევანდელ გამოსვლას ამით დაიწყებდით და ამ თემის განხილვას თქვენ შემოგვთავაზებდით, რომელიც თქვენ ჩემზე მეტად უნდა გაწუხებდეთ როგორც საქართველოს პარლამენტის თავმჯდომარეს. რა შეიძლება დღეს იმაზე მნიშვნელოვანი იყოს, რომ ისეთი სისტემა გვქონდეს, რომ მოქალაქეების სისტემისგან დასაცავი კი არ გვყავდეს, არამედ სისტემა იცავდეს მოქალაქეებს“, - განაცხადა სოფო ხორგუანმა პლენარული სხდომის გახსნისას.
დღეს, პარლამენტის პლენარულ სხდომაზე ინტერპელაცია მიმდინარეობს. სესიაზე დეპუტატთა კითხვებს პასუხს განათლების და მეცნიერების მინისტრი გივი მიქანაძე პასუხობს.
