რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა, რომ სომხეთის პრემიერ-მინისტრი ნიკოლ ფაშინიანი, სავარაუდოდ, იზიარებს ბრიუსელის მიდგომებს მოქალაქეების ცხოვრების გაუარესებასთან დაკავშირებით, რადგან საკუთარ თავს ევროკავშირსა და ბრიუსელურ ბიუროკრატიასთან აიგივებს.
„გახსოვთ, რომ, როგორც ახლა ვხვდებით, ბრიუსელის ბიუროკრატიის მთავარი პრაქტიკული ამოცანა ისაა, რომ მათი ქვეყნების, მათი გაერთიანების მოქალაქეები უარესად ცხოვრობდნენ და არა უკეთესად. თუ ნიკოლ ფაშინიანი საკუთარ თავს სწორედ ბრიუსელის ბიუროკრატიასთან აიგივებს, ალბათ, ამ „დირექტივებსაც“ იზიარებს“, - განაცხადა ზახაროვამ.
ზახაროვამ ასევე აღნიშნა, რომ ევრაზიული ეკონომიკური კავშირისგან განსხვავებით, ევროპის კავშირითან თანამშრომლობა პოლიტიზებულია, ხოლო ევრაზიულ ეკონომიკურ კავშირში თანამშრომლობა ურთიერთპატივისცემისა და თანასწორობის საფუძველზე ვითარდება.
მისი თქმით, ევრაზიული ეკონომიკური კავშირი თავისუფალი ბაზრის, სამართლიანი კონკურენციისა და კანონიერების პრინციპებს ეფუძნება.
