26 მაისს ვიკრიბებით, იარეთ ჩვენთან ერთად თბილისში და ნახეთ, რამდენ ადამიანს შევეხმიანებით, – ამის შესახებ „ოპოზიციური ალიანსის“ ერთ-ერთმა ლიდერმა, გიორგი ვაშაძემ ჟურნალისტებს განუცხადა.

მისი თქმით, 26 მაისს იქნება მშვიდობიანი დიდი თავყრილობა.

„ვიცით, „ქართული ოცნება“ ნერვიულობს, ჩვენ გვექნება მშვიდობიანი დიდი თავყრილობა. ჩვენი ამოცანაა იატორიული მისიის შესრულება – საქართველო მართლა გავიყვანოთ სამშვიდობოს, გავხადოთ ევროკავშირის წევრი და რაც მთავარია, ამისთვის გავაერთიანოთ და ერთ მუშტად შევკრათ საზოგადოება. „ოცნების“ ამოცანაა, გაგვგლიჯოს და დაგვაპირისპიროს. მათ არასოდეს ავყვებით. ამიტომ 26 მაისს, საღამოს, 19:00 საათზე ყველას გელოდებით რუსთაველზე. თბილისში ყოველდღე დავდივართ, ორშაბათიდან გამომყევით და ნახავთ, თუ არ ვაკეთებთ ძალიან ბევრს, როგორ შეგხვდება და დაგხვდება ძალიან ბევრი ადამიანი. მათგან განსხვავებით, არც დაცვა გვეყოლება და არც რაღაც ჯებირებს დადგამენ ჩვენს გარშემო. ვივლით ხალხში როგორც ახლა ვდგავარ აქ. წარმოიდგინეთ, აქ მოსასვლელი პირიც კი არ აქვთ, ამ დღეში ჩაიგდეს თავი“, – განაცხადა გიორგი ვაშაძემ.