რუსეთის ფედერაციასთან სამხედო კონფლიქტში სამშვიდობო შეთანხმება უკრაინული მხარის თანხმობის გარეშე შეუძლებელია, - ამის შესახებ სლოვაკეთის პრემიერ-მინისტრმა რობერტ ფიცომ უკრაინის პრეზიდენტ ვოლოდიმირ ზელენსკისთან სატელეფონო საუბრის შემდეგ სოციალურ ქსელში დაწერა.
"ახლახან ტელეფონით ვესაუბრე უკრაინის პრეზიდენტს ვოლოდიმირ ზელენსკის.
მიუხედავად იმისა, რომ ზოგ საკითხზე განსხვავებული შეხედულებები გვაქვს, ორივესთვის მნიშვნელოვანია, რომ სლოვაკეთისა და უკრაინას შორის ურთიერთობები იყოს კარგი და მეგობრული.
დავადასტურე, რომ სლოვაკეთი მხარს უჭერს უკრაინის ევროკავშირში გაწევრიანების სურვილს, რადგან გვინდა, რომ ჩვენი მეზობელი იყოს სტაბილური და დემოკრატიული ქვეყანა.
შევთანხმდით, რომ ორშაბათს მოკლე შეხვედრას გავმართავთ ერევანში, ევროპული პოლიტიკური გაერთიანების სამიტის ფარგლებში. ასევე გავაგრძელებთ ერთობლივი მთავრობის ფორმატს და ორმხრივ ვიზიტებს ჩვენი ქვეყნების დედაქალაქებში. ასევე ხაზი გავუსვი, რომ რუსეთის ფედერაციასთან სამხედრო კონფლიქტში სამშვიდობო შეთანხმება უკრაინული მხარის თანხმობის გარეშე შეუძლებელია" , - წერს ფიცო.
