2025 წლისთვის ნატო-ს ყველა წევრმა ქვეყანამ მოახერხა თავდაცვის ხარჯების გაზრდა და მშპ-ს 2%-მდე მიღწევა ან გადაჭარბება, ალიანსის ქვეყნებს შორის ხარჯების სხვაობის მიუხედავად. ამის შესახებ ნატოს გენერალური მდივნის ყოველწლიურ ანგარიშშია ნათქვამი.
თავდაცვისთვის საერთო ხარჯებმა 2025 წელს 1.4 ტრილიონ აშშ დოლარს მიაღწია, რაც 6%-ით მეტია, ვიდრე 2024 წელს.
ყველაზე დაბალი მაჩვენებლები (2%) 2025 წელს ჰქონდათ ესპანეთს, პორტუგალიას, ალბანეთს, ბელგიასა და კანადას.
ყველაზე მაღალი მაჩვენებელი ალიანსის წევრებს შორის პოლონეთს ჰქონდა, რომელმაც თავდაცვისთვის 2025 წელს მშპ-ის 4.3% გამოყო. 3%-იან მაჩვენებელს მნიშვნელოვნად გადააჭარბეს, ასევე, ლიეტუვამ, ლატვიამ, ესტონეთმა და დანიამ.
„ეს აჩვენებს, რომ ნატო-ს წევრები აცნობიერებენ უსაფრთხოების გარემოს ცვლილებას და ჩვენი საერთო ვალდებულებების შესრულების აუცილებლობას. ვიმედოვნებ, რომ ივლისში ანკარაში დაგეგმილი ნატო-ს სამიტი საშუალებას მოგვცემს, 2025 წლის მიღწევებზე დაყრდნობით განვავითაროთ. არ გვაქვს თვითკმაყოფილების და ფუჭად ხარჯვის დრო“, - წერს ნატო-ს გენერალური მდივანი მარკ რუტე ანგარიშში.
