ევროკავშირის საბჭომ განაცხადა, რომ „მკაცრად გმობს ირანის განურჩეველ სამხედრო დარტყმებს რეგიონის ქვეყნების წინააღმდეგ და სოლიდარობას გამოხატავს დაზარალებული ქვეყნების მიმართ“.
„იგი მოუწოდებს ირანს და მის პროქსი ჯგუფებს, დაუყოვნებლივ შეწყვიტონ ეს თავდასხმები და პატივი სცენ რეგიონის ქვეყნების სუვერენიტეტსა და ტერიტორიულ მთლიანობას, გაერო-ს უშიშროების საბჭოს 2817 რეზოლუციის შესაბამისად, რომელიც სრულად უნდა შესრულდეს“, - აღნიშნულია განცხადებაში.
ევროკავშირის ლიდერების სახელით გავრცელებულ განცხადებაში საბჭო ახსენებს რეგიონული საჰაერო სივრცის დაცვისა და ნავიგაციის უსაფრთხოების უზრუნველყოფის აუცილებლობას და პირობას დებს, რომ ხელს შეუწყობს დეესკალაციას.
ევროკავშირი ასევე მიესალმება წევრი სახელმწიფოების მიერ გამოცხადებული ძალისხმევის გაძლიერებას, რათა „უზრუნველყონ ნავიგაციის თავისუფლება ჰორმუზის სრუტეში, როგორც კი აუცილებელი პირობები შესრულდება“.
განცხადებაში ასევე ნათქვამია, რომ საბჭო „მზადაა სრულად მოახდინოს თავისი დიპლომატიური, სამართლებრივი, ოპერატიული და ფინანსური ინსტრუმენტების მობილიზება ევროკავშირში უკონტროლო მიგრაციული ნაკადების თავიდან ასაცილებლად და ევროპაში უსაფრთხოების შესანარჩუნებლად“.
