აშშ-ის სამხედრო-საზღვაო ძალებმა კიდევ ერთი ტანკერის დაკავების ოპერაცია დაიწყო. მოსალოდნელია, რომ ეს ვენესუელური ნავთობის ექსპორტის კონტროლის ფარგლებში გემის დაკავების ეს მეხუთე შემთხვევა იქნება. ამის შესახებ Reuters. იუწყება.
„აშშ-ის საზღვაო ძალები კარიბის ზღვის აუზში, ტრინიდადისა და ტობაგოს მახლობლად, ტანკერ Olina-ს დაკავების პროცესშია“, - იტყობინება სააგენტო ანონიმურ ამერიკელ ოფიციალურ პირზე დაყრდნობით.
მანამდე ტანკერმა Olina-მ, რომელიც აღმოსავლეთ ტიმორის დროშის ქვეშ დაცურავდა, ვენესუელის ტერიტორიული წყლები დატოვა და რეგიონში დაბრუნდა.
გამოცემას წყარომ განუცხადა, რომ ტანკერის დაკავების ოპერაცია პარასკევს დაიწყო.
„შეერთებულმა შტატებმა ტანკერს სანქციები გასული წლის იანვარში დაუწესა, როდესაც მას Minerva M ერქვა. ვაშინგტონის თქმით, ის ე.წ. „ჩრდილოვანი ფლოტის“ ნაწილი იყო, რომელიც მინიმალური რეგულაციებით ან დაზღვევის გარეშე მოძრაობს. ეს ბოლო კვირების განმავლობაში მეხუთე ასეთი ჩაჭრაა, რაც ვაშინგტონის მიერ ვენესუელური ნავთობის ექსპორტის კონტროლის მცდელობის ფარგლებში ხორციელდება“,- იუწყება Reuters.
