ორკვირიანი დევნის შემდეგ, შეერთებულმა შტატებმა ატლანტის ოკეანეში ვენესუელასთან დაკავშირებული, რუსულკი დრშის ქვეშ მცურავი ნავთობტანკერი Marinera დააკავა, - ამის შესახებ ოთხშაბათს Reuters-ს აშშ-ის ორმა ოფიციალურმა პირმა განუცხადა.

„დაკავება, რომელსაც შეეძლო რუსეთთან დაძაბულობის გაღვივება, მოხდა მას შემდეგ, რაც ტანკერმა, რომელიც თავდაპირველად Bella 1-ის სახელით იყო ცნობილი, თავი აარიდა სანქცირებული ტანკერების საზღვაო „ბლოკადა“ და აშშ-ის სანაპირო დაცვას ბორტზე ასვლაზე უარი უთხრა“, - იუწყება გამოცემა..

წყაროების ცნობით, ოპერაციას აშშ-ის სანაპირო დაცვა და სამხედროები ახორციელებდნენ. მათივე ცნობით, ოპერაციის დროს ახლოს იმყოფებოდნენ რუსული სამხედრო გემები, მათ შორის რუსული წყალქვეშა ნავი.

ამასთან, Fox News-ის ჟურნალისტი ლუკას ტომლინსონი იუწყება, რომ ამერიკელი სამხედრო მოსამსახურეები ტანკერ Marinera-ზე ავიდნენ.

„ოფიციალური პირების თქმით, აშშ-ის სამხედრო მოსამსახურეები ისლანდიასა და ბრიტანეთის კუნძულებს შორის სანქცირებული ტანკერის გემზე ავიდნენ, სანამ რუსული სამხედრო გემები და წყალქვეშა ნავი მოვიდოდნენ. ტანკერს ადრე Bella 1 ერქვა, თუმცა ხელახლა დარეგისტრირდა და რუსულ გემი გახდა“, - წერს ტომლინსონი Х-ში.

ასევე, Reuters-ს ამერიკელმა ოფიციალურმა პირებმა განუცხადეს, რომ აშშ-ის სანაპირო დაცვამ ლათინური ამერიკის წყლებში ვენესუელასთან დაკავშირებული კიდევ ერთი ტანკერი დააკავა, მაშინ როდესაც შეერთებული შტატები ვენესუელიდან სანქცირებული გემების საზღვაო ბლოკადას აგრძელებს.

ვენესუელის სანაპიროსთან აშშ-ის შავ სიაში შეყვანილმა ტანკერებმა დროშა რუსული დროშით შეცვალეს.