საფრანგეთის პრეზიდენტმა ემანუელ მაკრონმა განაცხადა, რომ შესაძლოა, უახლოეს კვირებში რუსეთის პრეზიდენტ ვლადიმირ პუტინთან სატელეფონო კონტაქტი შედგეს. ამის შესახებ მან France 2-თანინტერვიუში განაცხადა.
საფრანგეთის პრეზიდენტის თქმით, ამჟამად ის მუშაობს პუტინთან სატელეფონო საუბრის ორგანიზებაზე.
მან აღნიშნა, რომ მისი მიზანი უკრაინაში მშვიდობაა, მაგრამ არა მისი კაპიტულაციის ფასად.
„მოკლევადიან პერიოდში, ჩვენ უნდა გავაგრძელოთ უკრაინის მხარდაჭერა თავდაცვის სფეროში. ზუსტად ამას ვაკეთებთ... ჩვენ არ გვინდა, რომ ეს მშვიდობა უკრაინის კაპიტულაცია იყოს“, - აღნიშნა მაკრონმა.
