გრენლანდიის პრემიერ-მინისტრმა იენს-ფრედერიკ ნილსენმა განაცხადა, რომ აშშ-ის პრეზიდენტ დონალდ ტრამპს არ შეუძლია გრენლანდიის მიტაცება, იმიტომ, რომ მას ასე სურს. ამის შესახებ Sky News წერს.
„იმ სიტუაციაში, როდესაც ამერიკის პრეზიდენტმა კიდევ ერთხელ გაიმეორა, რომ შეერთებული შტატები გრენლანდიას ძალიან სერიოზულად უყურებს, ჩვენი ნატო-ს მოკავშირეების მხარდაჭერა ძალიან მნიშვნელოვანი და ცალსახაა“, - თქვა მან.
ნილსენმა მოუწოდა შეერთებულ შტატებს, პატივისმცემელ ჩაერთონ დიალოგში შესაბამისი დიპლომატიური და პოლიტიკური არხებით, შეერთებულ შტატებთან დადებული შეთანხმებების საფუძველზე არსებული ფორუმების გამოყენებით.
„დიალოგი უნდა წარიმართოს იმის გათვალისწინებით, რომ გრენლანდიის სტატუსი ეფუძნება საერთაშორისო სამართალს და ტერიტორიული მთლიანობის პრინციპს“, - თქვა მან.
