ვენესუელის ვიცე-პრეზიდენტი დელსი როდრიგესი აცხადებს, რომ მთავრობამ არ იცის პრეზიდენტ ნიკოლას მადუროს და პირველი ლედის, სილია ფლორესის ადგილსამყოფელი.
„ჩვენ პრეზიდენტ დონალდ ტრამპის მთავრობისგან დაუყოვნებლივ ვითხოვთ პრეზიდენტ მადუროს და პირველი ლედის სიცოცხლის დამადასტურებელ მტკიცებულებებს“, - განაცხადა როდრიგესმა.
მისი თქმით, აშშ-ის თავდასხმის შედეგად მთელი ქვეყნის მასშტაბით „ბევრი ოფიციალური პირი, სამხედრო და მშვიდობიანი მოქალაქე დაიღუპა“.
შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ ამერიკელმა სამხედროებმა კარაკასში ვენესუელის პრეზიდენტი, ნიკოლას მადურო მეუღლესთან ერთად შეიპყრეს და ქვეყნიდან გაიყვანეს.
