უკრაინის პრეზიდენტმა ვოლოდიმირ ზელენსკიმ რუსეთის ლიდერის, ვლადიმირ პუტინის რეზიდენციაზე დრონით თავდასხმის შესახებ გავრცელებულ ინფორმაციას ფეიკი უწოდა. მან ასევე განაცხადა, რომ ამერიკული მხარე ამის შესახებ ინფორმირებულია.
ზელენსკიმ ამის შესახებ ჟურნალისტებთან ონლაინ -შეხვედრის დროს ისაუბრა.
„ჩვენი მომლაპარაკებელთა ჯგუფი დაუკავშირდა ამერიკულ გუნდს, მათ განიხილეს დეტალები და ჩვენ გვესმის, რომ ეს ფეიკია.
და რა თქმა უნდა, ჩვენს პარტნიორებს ყოველთვის შეუძლიათ გამოიყენონ თავიანთი ტექნიკური შესაძლებლობები იმის დასადასტურებლად, რომ ეს ყალბი ამბავი იყო.“
„პუტინის ვალდაის რეზიდენციაზე თავდასხმა სიცრუეა. ის არავის დაუბომბავს. არის თუ არა ეს სანქციებთან არის დაკავშირებული?
შესაძლოა, ეს ცოტათი ამასთან იყოს დაკავშირებული, მაგრამ ჩემი აზრით, ეს უფრო იმ ფაქტს უკავშირდება, რომ საკმაოდ წარმატებული საუბარი და შეხვედრა შედგა, ჩვენი გუნდების პოზიტიური შეხვედრა ერთი თვის განმავლობაში და რომლის კულმინაციაც პრეზიდენტ ტრამპთან შეხვედრა იყო და ჩვენ გავიგეთ ის გეგმის შესახებ, რომელზეც ჩვენი მრჩევლები 3 იანვრიდან მუშაობდნენ. რა თქმა უნდა, შემდეგ ჩვენ შევხვდებით ევროპელებს ლიდერების დონეზე, გვინდა ყველაფერი მოვამზადოთ და, ღვთის ნებით, შემდეგ ყველანი ერთად შევხვდებით, რათა [ომის]დასრულების შემდეგ გარკვეული ნაბიჯები გადავდგათ წინ. იანვარში ბევრი განსხვავებული ნაბიჯის გადადგმა გვსურს. და არ ვიცი, ეს Tomahawk-ები გადაცემას უკავშირდება თუ არა,“ - განაცხადა ზელენსკიმ.
ზელენსკიმ აღნიშნა, რომ რუსები მუდმივად ბომბავენ უკრაინის რეგიონებსა და მშვიდობიან მოსახლეობას.
მისთვის ასევე გაუგებარია ის, რომ ცალკეულმა ქვეყნებმა დაგმეს პუტინის რეზიდენციაზე სავარაუდო თავდასხმა.
„გულწრფელად რომ ვთქვა, გაუგებრობას და უსიამოვნო გრძნობებს იწვევს ის, რომ ზოგიერთმა წარმომადგენელმა, როგორიცაა ინდოეთი, საამიროები და რამდენიმე სხვა ქვეყანა, რომელბმაც
მათ დაგმეს დარტყმები, მათ დაგმეს, ჩვენი დრონებით დარტყმები პუტინის რეზიდენციაზე, რაც არ მომხდარა. და სად არის მათი დაგმობა, როდესაც მთელი ამ ხნის განმავლობაში ისინი ესხმიან ჩვენს შვილებს, კლავენ ხალხს? ინდოეთიდან ან საამიროებიდან არაფერი ისმის,“ - განაცხადა ზელენსკიმ.
