უკრაინის პრეზიდენტმა ვოლოდიმირ ზელენსკიმ განაცხადა, რომ რუსები უკმაყოფილონი არიან შეერთებულ შტატებში უკრაინულ და ამერიკულ მხარეებს შორის წარმატებული შეხვედრით და კიევში სამთავრობო შენობებზე თავდასხმისთვის საბაბებს იგონებენ.
ზელენსკიმ ჟურნალისტებთან კოემნტარი გააკეთა რუსეთის საგარეო საქმეთა მინისტრის, სწერგეილავროვის განცხადებაზე, რომ უკრაინამ თითქოს რუსეთის პრეზიდენტის რეზიდენციაზე იერიში სცადა.
ზელენსკის თქმით, ეს რუსეთის მორიგი სიცრუეა.
„კიდევ ერთი ტყუილი რუსეთის ფედერაციის მხრიდან. ცხადია, რომ გუშინ ტრამპთან შეხვედრა გვქონდა და ნათელია, რომ რუსებისთვის, თუ ამერიკასთან სკანდალი არ გვაქვს და პროგრესს მივაღწევთ, მაშინ მათთვის ეს წარუმატებლობაა. მათ არ სურთ ამ ომის დასრულება. ამის დასრულება მხოლოდ მათზე ზეწოლით შეიძლება.
დარწმუნებული ვარ, ეძებდნენ, მიზეზებსს გამო... ისინი უფრო შორს მიდიან.
ახლა, ამ განცხადებით, რომ შეტევა იყო რაღაც რეზიდენციაზე, დარწმუნებული ვარ, უბრალოდ ამზადებენ ნიადაგს დედაქალაქზე და, სავარაუდოდ, სამთავრობო შენობებზე თავდასხმებისთვის,“ - განაცხადა უკრაინის პრეზიდენტმა.
ზელენსკიმ გაიხსენა, რომ რუსეთმა სექტემბერში უკვე განახორციელა რაკეტებით იერიში მინისტრთა კაბინეტის შენობაზე.
„ამიტომ, ახლა ყველა ყურადღებით უნდა იყოს, აბსოლუტურად ყველა. შესაძლოა, დედაქალაქზე დარტყმა განხორციელდეს. მით უფრო, რომ ამ ადამიანმა - თუ მას საერთოდ შეიძლება ადამიანი ვუწოდოთ - თქვა, რომ შესაბამის სამიზნეებს შეარჩევენ, რაც იმას ნიშნავს, რომ გვემუქრებიან“, - განაცხადა ზელენსკიმ.
შეგახსენებთ, სერგეი ლავროვმა განაცხადა: „უკრაინამ რუსეთის პრეზიდენტის რეზიდენციაზე იერიში სცადა. კიევის კრიმინალური რეჟიმის საბოლოო ტრანსფორმაციის გათვალისწინებით, რომელიც სახელმწიფო ტერორიზმის პოლიტიკაზე გადავიდა, რუსეთის მოლაპარაკების პოზიცია გადაიხედება“.
