უკრაინის პრეზიდენტმა ვოლოდიმირ ზელენსკიმ განაცხადა, რომ აშშ-სთან 20-პუნქტიან „სამშვიდობო გეგმაზე“ მოლაპარაკებების შედეგად გადაუჭრელი დარჩა ტერიტორიებთან და ზაპოროჟიეს ატომური ელექტროსადგურის ფუნქციონირებასთან დაკავშირებული საკითხები.
ამის შესახებ ზელენსკიმ მედიასთან ისაუბრა.
ზელენსკის სთხოვეს კომენტარი აშშ-ის პრეზიდენტ დონალდ ტრამპის განცხადებაზე, რომ მოლაპარაკებებში ერთი-ორი საკითხი კვლავ გადაუჭრელი რჩება.
„ორი საკითხი რჩება: როგორ იმუშავებს ზაპოროჟიეს ატომური ელექტროსადგური და ტერიტორიების საკითხი. ეს არის ორი საკითხი, რომელიც 20-პუნქტიან დოკუმენტში დარჩა“, - განმარტა უკრაინის პრეზიდენტმა.
ზელენსკის თქმით, სწორედ ამიტომ, თქვა, რომ ეს 20-პუნქტიანი გეგმა „90%-ით მზადაა“.
„რაც შეეხება უსაფრთხოების გარანტიებს, მე ვთქვი, რომ ყველაფერი 100%-ით მზადაა და ასეც არის. ჩვენ ჯერ კიდევ განვიხილავთ გარკვეულ დეტალებს ამ უსაფრთხოების გარანტიების ხანგრძლივობასთან დაკავშირებით“, - თქვა უკრაინის პრეზიდენტმა.
