უკრაინული მედიის ცნობით, 27 დეკემბერს ოკუპანტებმა კიევს დრონებითა და რაკეტებით შეუტიეს. უკრაინის დედაქალაქში დშავებულთა რაოდენობა იზრდება.
თავდასხმის შედეგად კიევში საცხოვრებელ კორპუსებში რამდენიმე ხანძარი გაჩნდა.
კიევში უკვე 22 დაშავებულია, მათ შორის ორი ბავშვი. კიევის მერის, ვიტალი კლიჩკოს თქმით, თორმეტი ადამიანი საავადმყოფოშია გადაყვანილი.
მანამდე საქალაქო სამხედრო ადმინისტრაციის ხელმძღვანელმა ტიმურ ტკაჩენკომ განაცხადა, რომ დაშავებულთა შორის 16 წლის მოზარდია.
როგორც ცნობილია, რომ რუსეთის თავდასხმის შედეგად ჭურვების ნამსხვერევბი ქალაქის 7 რაიონში ჩაცვივდა.
ნამსხვრევები 24-სართულიან საცხოვრებელ სახლს მოხვდა, ასევე ცეცხლი გაჩნდა18-სართულიან და10-სართულიან საცხოვრებელ კორპუსებში.
ასევე მძვინვარებს ხანძარი 24-სართულიან შენობის ზედა სართულზე.
ცეცხლი გაჩნდა კიევში დნიპროს რაიოშნი 18-სართულიანი კორპუსის ზედა სართულებზეც.
დარნიცის რაიონში რამდენიმე კერძო სახლი იწვის.
არსებობს ახლომდებარე მოხუცებულთა თავშესაფარზე ხანძრის გავრცელების საფრთხე, საიდანაც მაშველებმა 10 ადამიანი გაიყვანეს.
ასევე დრონის ნამსხვრევების ჩაცვენის შედეგად დაიწვა რამდენიმე ავტომობილი.
ხანძარია შევჩენკოს რაიონში, 10-სართულიანი კორპუსის ზედა სართულზე.
კიევის მესამედი გათბობის და ქალაქის მარცხენა სანაპიროს ნაწილი ელექტროენერგიის გარეშეა დარჩენილი.
