მსოფლიო საშობაო არდადეგებისთვის ემზადება, უკრაინა კი რუსული ბარბაროსობისა და აგრესიისგან იცავს თავს, - ამის შესახებ უკრაინის საგარეო საქმეთა მინისტრი ანდრიი სიბიჰა X-ზე წერს.
როგორც სობიჰა აღნიშნავს, მოსკოვი არ მალავს თავის გენოციდურ განზრახვას და ტემპერატურის ვარდნისას განზრახ ამზადებს დარტყმებს ენერგეტიკულ ინფრასტრუქტურაზე.
„საშობაო ცეცხლის შეწყვეტის ან მშვიდობისკენ მიმავალ გზაზე წინსვლის ნაცვლად, რუსეთმა დღეს დილით უკრაინის წინააღმდეგ კიდევ ერთი მასშტაბური თავდასხმა განახორციელა - ასობით დრონი და რაკეტა გამოიყენა.
კიევის რეგიონში ხნიერი ქალი, ხოლო ჟიტომირის რეგიონში 4 წლის ბავშვი მოკლეს. ხმელნიცკის რეგიონში ერთი ადამიანის დაღუპვის შესახებ ვრცელდება ინფორმაცია. ქვეყნის მასშტაბით, სულ მცირე, ცხრა რეგიონში კიდევ რამდენიმე ადამიანი დაშავდა.
ენერგეტიკული სისტემა და კრიტიკული სამოქალაქო ინფრასტრუქტურა იყო მთავარი სამიზნე. მოსკოვი არ მალავს თავის გენოციდურ განზრახვას და ტემპერატურის ვარდნისას განზრახ ამზადებს დარტყმებს ენერგეტიკულ ინფრასტრუქტურაზე.
მსოფლიო საშობაო არდადეგებისთვის ემზადება, უკრაინა კი რუსული ბარბაროსობისა და აგრესიისგან იცავს თავს, თავის თავისუფლებას, თავის ხალხს, ასევე ტრანსატლანტიკურ სივრცეში მშვიდობასა და სტაბილურობას.
რუსეთი კოლექტიური ტრანსატლანტიკური ძალის მეშვეობით უნდა აიძულონ მშვიდობა დაამყაროს. ამის მიღწევა შესაძლებელია აგრესორისთვის ამ ომის გაგრძელების ფასის გაზრდით", - წერს სიბიჰა.
