აზერბაიჯანის პრეზიდენტმა ილჰამ ალიევმა დამოუკიდებელ სახელმწიფოთა თანამეგობრობის ლიდერების არაფორმალურ სამიტში მონაწილეობაზე უარი თქვა.
დამოუკიდებელ სახელმწიფოთა თანამეგობრობის (დსთ) ლიდერების არაფორმალური სამიტი ორშაბათს, 22 დეკემბერს, აზერბაიჯანის პრეზიდენტის, ილჰამ ალიევის მონაწილეობის გარეშე გაიმართება.
აზერბაიჯანის პრეზიდენტის ადმინისტრაციის ცნობით, ალიევი სანქტ-პეტერბურგში დაგეგმილ შეხვედრას „დატვირთული სამუშაო გრაფიკის“ გამო არ დაესწრება.
კრემლში მანამდე განაცხადეს, რომ ილჰამ ალიევს სანქტ-პეტერბურგში გამართულ ღონისძიებებზე ელოდებოდნენ.
თუმცა, განცხადების შემდეგ მათ აღნიშნეს, რომ „გაგებით“ ეკიდებიან აზერბაიჯანის პრეზიდენტის გადაწყვეტილებას.
„მართლაც, ყველა სახელმწიფოს მეთაურს ძალიან დატვირთული გრაფიკი აქვს, განსაკუთრებით დეკემბერში, ახალი წლის წინა დღეს“, - განაცხადა კრემლის პრესმდივანმა დმიტრი პესკოვმა.
