20 დეკემბრის ღამეს, უკრაინის უსაფრთხოების ძალების სპეციალური ოპერაციების ცენტრ „ალფა“-ს შორი მოქმედების დრონებმა დროებით ოკუპირებულ ყირიმში, რუსეთის სამხედრო აეროდრომ „ბელბეკზე“ სუ-27 ტიპის ორ თვითმფრინავს დაარტყეს. ინფორმაციასუკრაინის უსაფრთხოების ძალების პრესსამსახური ავრცელებს.
„ერთ-ერთი თვითმფრინავი საბრძოლო მასალით იყო დატვირთული და საბრძოლო მისიისთვის მზად იყო. ის განადგურდა. ორივე თვითმფრინავის სავარაუდო ღირებულება დაახლოებით 70 მილიონი აშშ დოლარია. გარდა ამისა, დადასტურდა სადისპეტჩერო კოშკის დაზიანება, რამაც შეიძლება გაართულოს აეროდრომზე ფრენების ორგანიზება და კონტროლი“, - აღნიშნულია განცახდებაში.
უშიშროების სამსახურის ცნობით, ეს ბოლო დღეების განმავლობაში უსაფრთხოების სამსახურის მიერ ბელბეკის აეროდრომზე განხორციელებული მეორე წარმატებული თავდასხმაა.
18 დეკემბერს კრაინული დრონების მიერ მიზანმიმართული დარტყმების შედეგად, ანექსირებულ ყირიმში დაზიანდა შემდეგი ობიექტები:
ორი შორ მანძილზე მოქმედი რადარის აღმომჩენი სისტემა „Nebo-SVU“ (ერთის ფასი დაახლოებით 60-100 მილიონი დოლარია);
რადიოლოკაციური სადგური 92N6, რომელიც S-400 Triumph-ის საზენიტო-სარაკეტო სისტემის კომპონენტია (შიდა ბაზრისთვის სავარაუდო ფასი 30 მილიონი დოლარია, ექსპორტისთვის - 60 მილიონი დოლარი);
საზენიტო-სარაკეტო სისტემა „პანცირ-ს2“ (შიდა ბაზრისთვის სავარაუდო ფასი 12 მილიონი დოლარია, ექსპორტისთვის - 19 მილიონი დოლარი);
MiG-31-ის ტიპის თვითმფრინავი საბრძოლო მასალით (სავარაუდო ფასი: 30-50 მილიონი აშშ დოლარი, კონფიგურაციისა და შეიარაღების მიხედვით).
„უკრაინის უსაფრთხოების ძალების მიერ ძირითად სამხედრო აეროდრომებზე განხორციელებული დარტყმები, ასევე დროებით ოკუპირებულ ყირიმში მტრის თვითმფრინავებისა და საჰაერო თავდაცვის სისტემების განადგურება მნიშვნელოვნად ამცირებს მის სამხედრო პოტენციალს რეგიონში. ეს სისტემური მუშაობა მომავალშიც გაგრძელდება, - აღნიშნულია „უკრაინის უსაფრთხოების ძალების განცხადებაში.
