აშშ-ის სამხედრო ძალებმა განაცხადეს წყნარ ოკეანეში „ნარკოტრაფიკის მარშრუტზე მოძრავი“ გემის წინააღმდეგ განხორციელებული დარტყმის შესახებ, რის შედეგადაც ოთხი ადამიანი დაიღუპა, რომლებსაც ამერიკელი სამხედროები ნარკოტერორისტებად მიიჩნევენ. ინფორმაციას აშშ-ის სამხრეთ სარდლობა ავრცელებს.
აღნიშნულია, რომ ერთობლივმა სამუშაო ჯგუფმა „სამხრეთის შუბმა“ ხომალდზე „სასიკვდილო კინეტიკური დარტყმა“ პენტაგონის მდივნის, პიტ ჰეგსეთის ბრძანებით განახორციელა.
აშშ-ის სამხედროების განცხადებით, გემს „საერთაშორისო წყლებში ტერორისტულად დასახელებული ორგანიზაცია“ მართავდა.
„დაზვერვამ დაადასტურა, რომ გემი წყნარი ოკეანის აღმოსავლეთ ნაწილში ნარკოტიკებით ვაჭრობის ცნობილი მარშრუტით მოძრაობდა და ნარკოტიკებით ვაჭრობის ოპერაციებში იყო ჩართული.
სულ ოთხი ნარკოტერორისტია ლიკვიდირებული, ამერიკელ სამხედროებს კი არანაირი დანაკარგი არ განუცდიათ“, - აღნიშნულია აშშ-ის სამხრეთ სარდლობის განცხადებაში.
