ისრაელის პრემიერ-მინისტრმა ბენიამინ ნეთანიაჰუმ ქვეყნის პრეზიდენტ ისააკ ჰერცოგს კორუფციის საქმესთან დაკავშირებით მის წინააღმდეგ მიმდინარე საქმეზე შეწყალების თხოვნით მიმართა.
პრეზიდენტის ადმინისტრაციის განცხადებით, პრეზიდენტი „საგანგებო თხოვნის განხილვამდე, რომელსაც შესაძლოა მნიშვნელოვანი შედეგები მოჰყვეს“, სასამართლოს წარმომადგენლებისგან მოსაზრებებს მოისმენს.
ბენიამინ ნეთანიაჰუს წინააღმდეგ სისხლის სამართლის გამოძიება მიმდინარეობს სამ სხვადასხვა საქმეზე - თაღლითობა, ნდობის ბოროტად გამოყენება და ქრთამის აღება. ნეთანიაჰუ ყველა ბრალდებას კატეგორიულად უარყოფს.
პრემიერ-მინისტრმა ვიდეომიმართვაში განაცხადა, რომ მას ერჩივნა პროცესი ბოლომდე მისულიყო, თუმცა „ეროვნული ინტერესები სხვა რამეს მოითხოვდა“.
ამ თვის დასაწყისში, ისრაელში ვიზიტით მყოფმა აშშ-ის პრეზიდენტმა დონალდ ტრამპმა ისააკ ჰერცოგს ნეთანიაჰუს შეწყალებისკენ მოუწოდა. იმ დროს ჰერცოგმა განაცხადა, რომ შეწყალების მსურველმა ნებისმიერმა პირმა ოფიციალური მოთხოვნა უნდა წარადგინოს.
როდის მიიღებს გადაწყვეტილებას ისრაელის პრეზიდენტი, ჯერჯერობით უცნობია.
