ინდონეზიის კუნძულ სუმატრაზე ძლიერი წვიმების შედეგად გამოწვეული წყალდიდობისა და მეწყერის შედეგად დაღუპულთა რაოდენობა 248-მდე გაიზარდა.
აღნიშნულია, რომ 500-ზე მეტი დაზარალებული კვლავ იღებს სამედიცინო დახმარებას.
ხელისუფლება შიშობს, რომ დაღუპულთა რიცხვი შეიძლება გაიზარდოს, რადგან გზების ჩაკეტვის გამო მაშველებს ზოგიერთ რაიონში მისვლა არ შეუძლიათ.
ინდონეზიის მეტეოროლოგიური სააგენტოს ცნობით, უამინდობა კიდევ რამდენიმე დღეს გაგრძელდება.
ეროვნული კატასტროფების მართვის სააგენტომ ასევე განაცხადა, რომ დაიტბორა ათასობით სახლი და შენობა და ათასობით ოჯახი იძულებული გახდა, სახლები დაეტოვებინა.
გარდა ამისა, წყალდიდობამ დააზიანა რკინიგზა, ხიდები, ბრინჯის ყანები და ზიანი მიაყენა პირუტყვს და სოციალურ ინფრასტრუქტურას.
