უკრაინის დელეგაცია, რომლის შემადგენლობაშიც შედიან ეროვნული უსაფრთხოებისა და თავდაცვის საბჭოს მდივანი რუსტემ უმეროვი და საგარეო საქმეთა მინისტრის მოადგილე სერგეი კისლიცია, სამშვიდობო გეგმის შემდგომი განხილვის მიზნით შეერთებულ შტატებში გაემგზავრება. ამის შესახებ Bloomberg იუწყება.
გამოცემის წყაროს ცნობით, უკრაინის დელეგაცია, სავარაუდოდ, ფლორიდაში ჩავა, სადაც შეხვედრები გაიმართება აშშ-ის პრეზიდენტის სპეციალურ წარმომადგენელთან სტივ უიტკოფთან და დონალდ ტრამპის სიძესთან, ჯარედ კუშნერთან.
გამოცემა ასევე აღნიშნავს, რომ უიტკოფი მომავალ კვირას მოსკოვში ვიზიტს გეგმავს.
