29 ნოემბრის ღამეს, რუსული დრონებისა და რაკეტების მასირებული თავდასხმის შედეგად, კიევის რამდენიმე რაიონში საცხოვრებელი შენობები დაზიანდა.
ერთი ადამიანი დაიღუპა და 11 დაშავდა, მათ შორის ერთი ბავშვი. უკრაინის დედაქალაქის დასავლეთ ნაწილში ელექტროენერგიის მიწოდება გაითიშა.
კიევის სამხედრო ადმინსიტრაციის ხელმძღვანელის, ტიმურ ტკაჩენკოს თქმით, დაზიანება ქალაქის სხვადასხვა რაიონში, სულ მცირე ექვს ადგილას დაფიქსირდა.
„ეს საცხოვრებელი ინფრასტრუქტურაა — მრავალსართულიანი შენობები და კერძო სექტორი. არიან დაშავებულები“, — თქვა ტკაჩენკომ.
რუსეთის კომბინირებული შეტევა უკრაინის დედაქალაქზე რვა საათზე მეტ ხანს გაგრძელდა.
ელექტროენერგიის გათიშვა დედაქალაქის რამდენიმე რაიონში დაფიქსირდა.
