ჰონგ-კონგში, საცხოვრებელ კომპლექსში გაჩენილი ხანძრის შედეგად დაღუპულთა რიცხვი 128-მდე გაიზარდა.
დაღუპულთა შორის არის სულ მცირე 11 მეხანძრე. 300-მდე ადამიანი დაკარგულად ითვლება. დაშავბულია 79 ადამიანი.
ადგილობრივი ხელისუფლების ინფორმაციით, სახანძრო სამსახურმა დაადგინა, რომ საცხოვრებელი კომპლექსის შემადგენლობაში შემავალ რვავე კორპუსში სახანძრო სიგნალიზაცია ეფექტურად არ მუშაობდა.
ხანძრის გამომწვევი მიზეზი ოფიციალურად ჯერ არ არის დადასტურებული, თუმცა სახანძრო სამსახურის ცნობით, ხანძრის გავრცელებას ხელი შეუწყო ბამბუკის ხარაჩოებმა, რომელიც სარეაბილიტაციო სამუშაოებთან დაკავშირებით, კორპუსებზე იყო დამონტაჟებული.
ხანძარი ამ დროისთვის თითქმის ბოლომდე ლიკვიდირებულია. ადგილზე მუშაობდა 400-მდე სახანძრო და 188 სასწრაფო დახმარების მანქანა. ოპერაციაში 2 300-ზე მეტი მეხანძრე მონაწილეობდა.
