აშშ-ის პრეზიდენტმა დონალდ ტრამპმა სამშაბათს განაცხადა, რომ მან სპეციალურ წარმომადგენელს სტი უიტკოფს დაავალა, მოსკოვში რუსეთის პრეზიდენტ ვლადიმირ პუტინთან შეხვედრა „სამშვიდობო გეგმის“ დასასრულებლად.
ამის შესახებ Truth Social-ში წერს.
ტრამპმა განაცხადა, რომ თავდაპირველი 28-პუნქტიანი „სამშვიდობო გეგმა“ დაიხვეწა ორივე მხარის დამატებითი წინადადების გათვალისწინებით და ახლა მხოლოდ რამდენიმე საკუთხთან არსებობს უთანხმოება.
აშშ-ის პრეზიდენტმა განაცხადა, რომ ამ მოლაპარაკებების შემდეგ უიტკოფი და დრისკოლი შედეგების შესახებ თეთრი სახლის წარმომადგენლებს მიაწვდიან ინფორმაციას.
„ბოლო კვირის განმავლობაში ჩემმა გუნდმა უზარმაზარ პროგრესს მიაღწია რუსეთსა და უკრაინას შორის ომის დასრულების კუთხით (ომი, რომელიც არასდროს დაიწყებოდა, მე, რომ პრეზიდენტი ვყოფილიყავი!). გასულ თვეში 25 000 ჯარისკაცი დაიღუპა. 28-პუნქტიანი სამშვიდობო გეგმა, რომელიც შეერთებულმა შტატებმა შეიმუშავა, ორივე მხარის დამატებითი წვლილის შეტანით დაიხვეწა და მხოლოდ რამდენიმე საკითხი დარჩა შეუთანხმებელი. ამ სამშვიდობო გეგმის დასრულების მიზნით, ჩემს სპეციალურ წარმომადგენელს სტივ უიტკოფს დავავალე, რომ მოსკოვში შეხვდეს პრეზიდენტ პუტინს და ამავდროულად, არმიის მდივანი დენ დრისკოლი შეხვდება უკრაინელებს. მიღწეული ყველა პროგრესის შესახებ მეცნობება ვიცე-პრეზიდენტ ჯეი დი ვენსთან, სახელმწიფო მდივან მარკო რუბიოსთან, სამხედრო მდივან პიტ ჰეგსეთთან და თეთრი სახლის ადმინისტრაციის უფროსთან სუზი უაილსთან ერთად. მოუთმენლად ველი პრეზიდენტ ზელენსკისთან და პრეზიდენტ პუტინთან შეხვედრას მალე, მაგრამ მხოლოდ მაშინ, როდესაც ამ ომის დასრულების შეთანხმება საბოლოო იქნება ან საბოლოო ეტაპზე იქნება. გმადლობთ ამ ძალიან მნიშვნელოვან საკითხზე თქვენი ყურადღებისთვის და ვიმედოვნებთ, რომ მშვიდობა რაც შეიძლება მალე იქნება მიღწეული!“, - წერს ტრამპი.
ჟენევაში გამართულ მოლაპარაკებებზე შეერთებულმა შტატებმა და უკრაინამ შეიმუშავეს 19-პუნქტიანი ახალი სამშვიდობო შეთანხმება, თუმცა პოლიტიკურად ყველაზე მგრძნობიარე საკითხები ორივე ქვეყნის პრეზიდენტების შეხედულებისამებრ გადაწყდება.
