ავღანეთის ხოსტის პროვინციაში საცხოვრებელ სახლზე პაკისტანის ძალების საჰაერო დარტყმის შედეგად, სულ მცირე ცხრა ბავშვი და ერთი ქალი დაიღუპა.
ამის შესახებინფორმაციას Reuters ავღანეთის „თალიბანის“ წარმომადგენლის ზაბიჰულა მუჯაჰიდის განცხადებაზე დაყრდნობით ავრცელებს.
„წუხელ, დაახლოებით შუაღამისას [ადგილობრივი დროით], პაკისტანის ძალებმა ხოსტის პროვინციის გერბზვოს რაიონში ადგილობრივი მაცხოვრებლის, ვილაიატ ხანის სახლი დაბომბეს. შედეგად, ცხრა ბავშვი (ხუთი ბიჭი და ოთხი გოგონა) და ერთი ქალი დაიღუპა, მათი სახლი კი დაინგრა,“ - განაცხადა „თალიბანის“ წარმომადგენელმა.
მუჯაჰიდის თქმით, ხოსტის პროვინციაში დარტყმის გარდა, პაკისტანმა ასევე განახორციელა სამხედრო რეიდები ავღანეთის კუნარისა და პაქტიკას პროვინციებში, რის შედეგადაც ოთხი მშვიდობიანი მოქალაქე დაშავდა.
