უკრაინის პრეზიდენტის ადმინისტრაციის ხელმძღვანელმა ანდრიი ერმაკმა, რომელიც ჟენევაში უკრაინის დელეგაციას ხელმძღვანელობს, განაცხადა, რომ აშშ-ის დელეგაციასთან მოლაპარაკებების პირველი სესია დასრულდა.
მამ ამ მოლაპარაკებებს „ძალიან პროდუქტიული“ უწოდა დაგანაცხადა, რომ მეორე შეხვედრა ევროპელ პარტნიორებთან მალე დაიწყება.
„მინდა დავადასტურო, რომ ჩვენ ძალიან პროდუქტიული პირველი შეხვედრა გვქონდა პატივცემულ ამერიკულ დელეგაციასთან. ჩვენ ძალიან კარგ პროგრესს მივაღწიეთ და სამართლიანი და მდგრადი მშვიდობისკენ წინ მივიწევთ“, - წერს ერმაკი.
ერმაკმა მადლობა გადაუხადა შეერთებულ შტატებს და პირადად პრეზიდენტ დონალდ ტრამპს და მის გუნდს „მშვიდობისადმი მათი თავდადებისთვის“.
„დღეს მალე გაიმართება მეორე შეხვედრა, სადაც ჩვენი ევროპელი პარტნიორების მონაწილეობით გავაგრძელებთ ერთობლივ წინადადებებზე მუშაობას. საბოლოო გადაწყვეტილებებს ჩვენი პრეზიდენტები მიიღებენ“, - აღნიშნა ერმაკმა.
