გამოცემა Politico წერს, რომ აშშ-ის „სამშვიდობო გეგმაში” წარმოდგენილი პუნქტები დაბრკოლებას უქმნის ბრიუსელში მიმდინარე მოლაპარაკებებს, რომელთა მიზანიცაა გაყინული რუსული აქტივების მოგების საფუძველზე უკრაინისთვის კრედიტის გადაცემა, რაც კიევს რუსეთის აგრესიის დასაძლევად ესაჭიროება.
გამოცემა წერს, რომ ევროპელები აღშფოთებული არიან აშშ-ის „სამშვიდობო გეგმით” და აცხადებენ, რომ სტივ უიტკოფს ფსიქიატრი სჭირდება
გამოცემის წყაროების ცნობით, ბრიუსელში რუსული აქტივების გამოყენებასთან დაკავშირებით მოლაპარაკებები ამჟამად „უკიდურესად დელიკატურ ეტაპზეა“, რაც გულისხმობს იმ სამართლებრივი ტექსტის დამუშავებას, რომელიც საშუალებას მისცემს გაყინული თანხები უკრაინისთვის სესხის გასაცემად იქნას გამოყენებული.
თუმცა, როგორც „პოლიტიკო“ წერს, აშშ-ის 28-პუნქტიან „სამშვიდობო გეგმაში“ საუბარია, ამ რუსული აქტივების აშშ-ის ხელმძღვანელობით უკრაინის რეკონსტრუქციისთვის გამოყენებაზე. დოკუმენტის მიხედვით, აშშ-მა ამ აქტივებიდან 50%-იანი მოგება უნდა მიიღოს.
ოფიციალური პირები შიშობენ, რომ აშშ-ის პრეზიდენტის წარმომადგენლის სტივ უიტკოფის წინადადება ევროკავშირის წევრი სახელმწიფოების რუსული აქტივების წინადადებაზე შეთანხმების შანსებს გაანადგურებს.
ევროკავშირის ერთ-ერთმა მაღალჩინოსანმა Politico-სთან საუბრისას უარყო აშშ-ის წინადადება და თქვა,რომ ტრამპს არანაირი საშუალება არ აქვს, გამოიყენოს აქტივები, რომლებიც ევროპაშია გაყინული. ევროკავშირის ერთ-ერთმა მაღალჩინოსანმა პოლიტიკოსთან საუბარში განაცხადა: „უიტკოფს ფსიქიატრთან ვიზიტი სჭირდება.“
