თეთრი სახლის პრესმდივანმა ქეროლაინ ლევიტმა განაცხადა, რომ აშშ-ის სპეციალური წარმომადგენელი სტივ უიტკოფი და სახელმწიფო მდივანი მარკო რუბიო უკრაინისთვის ახალი „სამშვიდობო გეგმის“ შემუშავებაზე მუშაობდნენ. იუწყება Sky News
ლევიტის თქმით, აშშ-ის პრეზიდენტის სპეციალური წარმომადგენელი სტივ უიტკოფი და სახელმწიფო მდივანი მარკო რუბიო „ბოლო ერთი თვის განმავლობაში საიდუმლოდ მუშაობდნენ გეგმაზე“.
„მათ ორივე მხარესთან, რუსეთთან და უკრაინასთან, ჰქონდათ კომუნიკაცია, რათა გაეგოთ, რის გაკეთებას აპირებენ ეს ქვეყნები გრძელვადიანი და სტაბილური მშვიდობის მისაღწევად“, - დასძინა პრესმდივანმა.
ლევიტმა განაცხადა, რომ მოლაპარაკებები მიმდინარეობს, თუმცა აშშ-ის გეგმის „დეტალებს“ არ გაამჟღავნებს.
„ეს კარგი გეგმაა როგორც რუსეთისთვის, ასევე უკრაინისთვის და ჩვენ გვჯერა, რომ ის ორივე მხარისთვის მისაღები უნდა იყოს და ჩვენ ძალიან ბევრს ვმუშაობთ მის განსახორციელებლად“, - თქვა მან.
