ბრაზილიის ყოფილი პრეზიდენტი ჟაირ ბოლსონარu 2022 წელს სახელმწიფო გადატრიალების დაგეგმვაში დამნაშავედ ცნეს და 27 წლითა და 3 თვით თავისუფლების აღკვეთა მიუსაჯეს. ამის შესახებ CNN იუწყება.
ბოლსონარუ დამნაშავედ ცნეს სახელმწიფო გადატრიალების დაგეგმვაში, შეიარაღებულ კრიმინალურ ორგანიზაციაში მონაწილეობაში, ბრაზილიის დემოკრატიული სისტემის ძალადობრივი გზით დამხობის მცდელობაში, სახელმწიფო ინსტიტუტების წინააღმდეგ ძალადობრივი ქმედებების ჩადენასა და სახელმწიფო ქონების დაზიანებაში 2023 წლის 8 იანვარს მისი მხარდამჭერების მიერ სამთავრობო შენობებზე შტურმის დროს.
პროკურორების თქმით, გადატრიალების გეგმის ნაწილი იყო ასაფეთქებელი ნივთიერებების, სამხედრო იარაღის ან შხამის გამოყენების გეგმა მემარცხენე პრეზიდენტის, ლუის ინასიუ ლულა და სილვას, მისი ვიცე-პრეზიდენტის, ჯერალდო ალკმინის და უზენაესი სასამართლოს მოსამართლის, ალექსანდრ დე მორაესის მოსაკლავად.
70 წლის ბოლსონარუ და სხვა ბრალდებულები დანაშაულს არ აღიარებენ. ადვოკატები გადაწყვეტილებას სააპელაციო სასამართლოში გაასაჩივრებენ.
