მექსიკის ცენტრალურ ნაწილში სატვირთო მატარებლისა და ორსართულიანი ავტობუსის შეჯახების შედეგად ათი ადამიანი დაიღუპა და სულ მცირე 61 დაშავდა. ინფორმაციას Reuters ავრცელებს.
ადგილობრივი ხელისუფლების ცნობით, შეჯახება მოხდა სამრეწველო ზონაში, მეხიკოდან დაახლოებით 115 კილომეტრში ჩრდილო-დასავლეთით მდებარე ქალაქ ატლაკომულკოსა და მეზობელი მიჩოაკანის შტატის მარავატიოს შორის მდებარე გზატკეცილზე.
მექსიკის შტატის გენერალური პროკურორის ოფისის ცნობით, დაღუპულია შვიდი ქალი და სამი კაცი.
პროკურორების თქმით, დაჭრილებიდან ზოგიერთის მდგომარეობა მძიმეა, ზოგმა კი საავადმყოფო მალევა დატოვა.
