იტალია მზადაა შეუერთდეს უკრაინისთვის უსაფრთხოების გარანტიების გაცემას, თუმცა მისი ტერიტორიის გარეთ. – ამის შესახებ იტალიის მთავრობის პრესსამსახურის განცხადებაშია აღნიშნული.

„მსურველთა კოალიციის“ სამიტის დროს იტალიის პრემიერმა ჯორჯია მელონიმ გაიხსენა იტალიის წინადადება უკრაინის უსაფრთხოების გარანტიების ფორმატთან დაკავშირებით, რაც ნატო-ს შესახებ ვაშინგტონის ხელშეკრულების მე-5 მუხლიდან გამომდინარეობს.

აღნიშნულია, რომ ასეთი კოლექტიური უსაფრთხოების მექანიზმი შეიძლება იყოს „უკრაინის უსაფრთხოების გარანტიების პოლიტიკური კომპონენტის ძირითადი ელემენტი“.

მელონიმ დაადასტურა, რომ იტალია უკრაინაში ჯარისკაცების გაგზავნას არ აპირებს და კიდევ ერთხელ გაიმეორა თავისი მზადყოფნა, მხარი დაუჭიროს შესაძლო ცეცხლის შეწყვეტას უკრაინის საზღვრებს გარეთ მონიტორინგისა და წვრთნების ინიციატივებით,

„მელონიმ მონაწილეობა მიიღო პრეზიდენტ ტრამპთან სატელეფონო საუბარში, რომლის დროსაც განიხილეს დღევანდელი შეხვედრის შედეგები და კიდევ ერთხელ დადასტურდა საერთო მიზანი – სამართლიანი და მდგრადი მშვიდობა. ამის მიღწევა მხოლოდ ისეთი მიდგომით არის შესაძლებელი, რომელიც აერთიანებს უკრაინის მუდმივ მხარდაჭერას, საომარი მოქმედებების შეწყვეტისკენ სწრაფვას, რუსეთზე კოლექტიური ზეწოლის შენარჩუნებას, მათ შორის სანქციების საშუალებით, და მყარ და სანდო უსაფრთხოების გარანტიებს”,- აღნიშნულია განცხადებაში.