გაუგონარ თავხედობას, რასაც ადგილი აქვს გარკვეული ელჩების მხრიდან, წერტილი უნდა დაესვას - ამის შესახებ პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ განაცხადა.
"რატომღაც ზოგიერთ ელჩს ავიწყდება, რომ მისი მოვალეობა არის არა შიდა საქმეებში ჩარევა, არამედ სახელმწიფოთა შორის და ხალხთა შორის ურთიერთობის განმტკიცებაა. ვწუხვარ, მაგრამ უნდა შევახსენოთ, იქნებ წაიკითხონ ეს ვენის კონვენცია. იქნებ ეს საერთაშორისო ურთიერთობები ხელახლა გადაიკითხონ. მოვუწოდებთ ელჩებს, შეეშვან ამ თავხედობას. ზღვარი აქვს ყველაფერს," - განაცხადა ზარქუამ.
