გერმანული გამოცემა Bild-ის ჟურნალისტი პაულ რონცჰაიმერი წერს, რომ მან ინტერვიუ ჩამოართვა უკრაინის ყოფილ პრეზიდენტ პეტრო პოროშენკოს, რომელმაც გააკრიტიკა უკრაინის პრეზიდენტი ვოლოდიმირ ზელენსკი და თქვა, რომ მისი გუნდი ქვეყანას დიქტატურამდე მიჰყავს და არღვევს კანონის უზენაესობას.
„[პოროშენკო] ზელენსკის გუნდს ადანაშაულებს „ქვეყნის დიქტატურამდე მიყვანაში“ და კანონის უზენაესობის „უხეში დარღვევაში“, - წერს ჟურნალისტი.
ასევე, ჟურნალისტის თქმით, პოროშენკომ მოუწოდა უკრაინის სამხედრო სტრატეგიის რადიკალური ცვლილებისკენ და ხაზგასმით აღნიშნა, რომ კიევმა უარი უნდა თქვას შეტევითი ოპერაციებზე და გადავიდეს თავდაცვაზე.
რონცჰაიმერმა აღნიშნა, რომ სრულ ინტერვიუს მალე გამოაქვეყნებს.
13 თებერვალს პრეზიდენტმა ვოლოდიმირ ზელენსკიმ დაამტკიცა ეროვნული უსაფრთხოებისა და თავდაცვის საბჭოს 12 თებერვლის გადაწყვეტილება რამდენიმე ბიზნესმენის, მათ შორის უკრაინის მე-5 პრეზიდენტის, ევროპული სოლიდარობის პარტიის დეპუტატის პეტრო პოროშენკოს წინააღმდეგ სანქციების დაწესების შესახებ.
