მოსკოვმა შესაძლოა ზომები მიიღოს ევროკავშირის მილიტარიზაციის გეგმების საპასუხოდ. ამის შესახებ რუსეთის პრეზიდენტის პრესსპიკერმა დმიტრი პესკოვმა განაცხადა.
მისი თქმით, ევროკავშირის კონფრონტაციული რიტორიკა წინააღმდეგობაში მოდის უკრაინის კონფლიქტის დარეგულირების გზების ძიებასთან.
კრემლის პრესსპიკერის თქმით, მოსკოვი პროცესს ყურადღებით აკვირდება, რადგან ევროკავშირი რუსეთს თავის მთავარ მეტოქედ წარმოაჩენს.
„ეს მილიტარიზაცია [ევროკავშირის] ძირითადად რუსეთის ფედერაციის წინააღმდეგ ხდება. ეს, რა თქმა უნდა, შეიძლება იყოს ჩვენთვის ღრმა შეშფოთების საგანი და რისთვისაც საჭირო იქნება შესაბამისი საპასუხო ზომების მიღება ჩვენი უსაფრთხოების უზრუნველსაყოფად“, - განაცხადა მან.
