ევროპულმა ქვეყნებმა უნდა გააგრძელონ უკრაინის დახმარება, რათა მან შეძლოს წინააღმდეგობა გაუწიოს რუსეთის აგრესიას იმ შემთხვევაშიც კი, თუ აშშ-ის დახმარება შეწყდება. ამის შესახებ გერმანიის საგარეო საქმეთა მინისტრმა ანალენა ბერბოკმა განაცხადა.
მან თეთრ სახლში დონალდ ტრამპსა და ვოლოდიმირ ზელენსკის შორის კამათი შეადარა „ცუდ სიზმარს“ და თქვა, რომ „უზნეობის ახალი ერა დაიწყო“ და „სავარაუდოდ, ყველაზე ცხელი მომენტი ცივი ომის დასრულების შემდეგ“.
„არავის არ უნდა შეცდეს მტერთან დაკავშირებით, ის მხოლოდ კრემლში ზის და არა კიევში ან ბრიუსელში.
„დამნაშავისა და მსხვერპლის ადგილების შეცვლა არის ის, რაც დაუშვებელია“, - თქვა ბერბოკმა ბერლინში გამართულ ბრიფინგზე.
„მოძალადისა და მსხვერპლის ადგილების შეცვლა უსაფრთხოებისა და მშვიდობის საპირისპიროა და, შესაბამისად, არ შეიძლება იყოს კარგი გარიგება. ეს იქნებოდა საერთაშორისო სამართლის და ქვეყნების უმეტესობის უსაფრთხოების დასასრული.
და საბოლოო ჯამში, ეს ასევე საბედისწერო იქნება შეერთებული შტატების მომავლისთვის, რადგან საეჭვოა, რომელიმე ქვეყანამ შეძლოს ენდოს უძველესი დემოკრატიისა და უძლიერესი სამხედრო ძალის ავტორიტეტს“, - თქვა ბერბოკმა.
მან ევროპელებს მოუწოდა „არ იყვნენ გულუბრყვილოები“ აშშ-სთან ურთიერთობაში და შესთავაზა ექვსპუნქტიანი გეგმა. პირველ რიგში, გერმანიამ უნდა გააძლიეროს მხარდაჭერა უკრაინის მიმართ, რისთვისაც ბუნდესტაგმა დაუყოვნებლივ უნდა განბლოკოს 3 მილიარდი ევრო კიევის დასახმარებლად. მეორეც, მომდევნო სამიტზე ევროკავშირის ლიდერებმა უნდა ჩამოაყალიბონ ახალი „ყოვლისმომცველი ევროპული ფინანსური პაკეტი“ უკრაინისთვის - როგორც მშვიდობიანი, ასევე სამხედრო საჭიროებისთვის.
მესამე, აუცილებელია გერმანიას, საფრანგეთს, დიდ ბრიტანეთსა და პოლონეთს შორის თანამშრომლობის გაძლიერება უკრაინის დასახმარებლად, მაგალითად, საჰაერო თავდაცვისა და იარაღის მიწოდების სფეროში.
„ეს სამი ელემენტი უნდა ემსახურებოდეს იმას, რომ უკრაინას შეუძლია გააგრძელოს წინააღმდეგობის გაწევა რუსეთის აგრესიისთვის აშშ-ის დააანონსებული დახმარების, ან შესაძლო შემცირების შემთხვევაშიც კი, მიაღწიოს სამართლიან მშვიდობას და არ დანებდეს“, - თქვა ბერბოკმა.
მეოთხე, მან მოუწოდა ევროკავშირის ლიდერებს „მიიღონ გადაწყვეტილებები მასიური ინვესტიციების შესახებ ჩვენს საერთო ევროპულ თავდაცვით შესაძლებლობებში“ ევროპული სტაბილურობისა და ზრდის პაქტის ფინანსური მოთხოვნების შერბილებით.
მეხუთე, გერმანიის ხელისუფლებამ დაუყოვნებლივ უნდა განიხილოს "ვალების მუხრუჭის ფუნდამენტური რეფორმა", რათა მიიღოს მეტი ფინანსური რესურსი თავდაცვის მიზნებისთვის.
მეექვსე პუნქტში, ბერბოკმა მოუწოდა "გაგრძელდეს წინდახედულად და ცივი გონებით" და შეეცადოს შეიბარჩუნოს შეერთებულ შტატებთან კარგი ურთიერთობები. ”გრძელვადიანი მშვიდობა უკრაინაში დადგება ვაშინგტონთან ერთდა, ვიდრე მის გარეშე”, - თქვა ბერბოკმა.
