გერმანიის კანცლერი ოლაფ შოლცი იყო პირველი ევროპელი ლიდერი, რომელმაც ჟურნალისტებთან ისაუბრა პარიზის ელისეს სასახლეში საგანგებო შეხვედრის შემდეგ.
შოლცის თქმით, აუცილებელია გაგრძელდეას უკრაინის დახმარება.
”ჩვენ მივესალმებით სამშვიდობო შეთანხმების შესახებ საუბარს, მაგრამ ჩვენთვის ნათელია, რომ ეს არ შეიძლება იყოს კარნახით”, - თქვა შოლცმა.
გერმანელმა პოლიტიკოსმა ასევე ხაზგასმით აღნიშნა, რომ აშშ-მა და ევროპამ ერთად უნდა იმუშაონ.
„ევროპასა და შეერთებულ შტატებს შორის არ უნდა იყოს დაყოფა უსაფრთხოების საკითხებსა და პასუხისმგებლობებთან დაკავშირებით.
შოლცმა ასევე განაცხადა, რომ გერმანია გააგრძელებს თავდაცვაში ინვესტიციებს. მისივე თქმით, ევროკავშირი უფრო მოქნილი უნდა გახდეს ბიუჯეტის საკითხებში, თუ მისი წევრები გეგმავენ მშპ-ს 2%-ზე მეტი თავდაცვისთვის დახარჯონ.
დღეს, ევროპელი ლიდერები უკრაინის საკითხზე მოლაპარაკებებისთვის ელისეს სასახლეში შეიკრიბნენ.
