საქართველოში სამოქალაქო საზოგადოებამ, პოლიტიკოსებმა და დამკვირვებლებმა წარმოადგინეს ნათელი მტკიცებულება, რომ არჩევნების შედეგები ქართველი ხალხის ნებას არ ასახავს, ხოლო აშშ-მ და ევროკავშირმა გადამწყვეტი ნაბიჯები უნდა გადადგან, რათა ქართველ ხალხს დემოკრატიის დაცვაში დაეხმარონ, - ამის შესახებ აშშ-ის ჰელსინკის კომისია X-ზე წერს.
"საქართველოს საპარლამენტო არჩევნების შემდგომ დღეებში საქართველოს სამოქალაქო საზოგადოებამ, პოლიტიკოსებმა და დამკვირვებლებმა წარადგინეს ნათელი მტკიცებულება, რომ არჩევნების შედეგები ქართველი ხალხის ნებას არ ასახავს.
დამოუკიდებელი მონაცემები, რომლებიც მესამე მხარეებმა და ადგილობრივმა დამკვირვებლებმა შეაგროვეს, აჩვენებენ, რომ არჩევნებამდე და არჩევნების დღეს გამოვლენილმა სისტემატურმა დარღვევებმა გავლენა იქონიეს არჩევნების სანდოობაზე.
საქართველოს პრეზიდენტმა ზურაბიშვილმა ნათლად განაცხადა, რომ არჩევნების შედეგები გაყალბებულია. მან ხაზი გაუსვა რუსეთის ძალისხმევას, რომ ჩაერიოს არჩევნებში და საქართველოს სახელისუფლებო ორგანოებს ძირი გამოუთხაროს.
სანამ პრეზიდენტი ზურაბიშვილი, ოპოზიციური პარტიები და სამოქალაქო საზოგადოება მუშაობენ, რომ ჩატარდეს საარჩევნო პროცესი, რომელსაც ქართველი ხალხის გულწრფელი ნების ასახვა შეეძლება, აშშ და ევროკავშირი მათ გვერდში უნდა დაუდგნენ და გადადგან გადამწყვეტი ნაბიჯები, რათა ქართველებს დემოკრატიის დაცვაში დაეხმარონ". - წერია ჰელსინკის კომისიის განცხადებაში.
