პრეზიდენტის იმპიჩმენტი კი არა, 26 ოქტომბრის მარცხის შემდეგ ვინ რომელ ქვეყანაში გაიქცევა, მაგის მომსწრეები მალე გავხდებით., - ამის შესახებ პარლამენტის დამოუკიდებელი დეპუტატი და ერთიანობა-ნაციონალური მოძრაობის სიის მე-11 ნომერი კახა ოქრიაშვილი აცხადებს.
„ოცნებამ არჩევნების წინ ახალი თემა გამოაცხო, უფრო სწორად „გააცოცხლა“ - პრეზიდენტის იმპიჩმენტი. თურმე, პრეზიდენტმა კონსტიტუცია დაარღვია და ამიტომ იმპიჩმენტი უნდა მოუწყონ, ვითომ ეყრდნობიან კონსტიტუციას და ამ სიტყვასაც ხშირ-ხშირად ახსენებენ.
პირადად მე კობახიძის დაწერილი ანტიდემოკრატიული კონსტიტუცია არ მაინტერესებს. პრეზიდენტის იმპიჩმენტი კი არა, 26 ოქტომბრის მარცხის შემდეგ ვინ რომელ ქვეყანაში გაიქცევა, მაგის მომსწრეები მალე გავხდებით.
26 ოქტომბერს ყველანი ერთად, არჩევნებზე! „ - აცხადებს ოქრიაშვილი.
